പാലക്കാട് :  സംസ്ഥാന സർക്കാരിന്റെ ഈ  വർഷത്തെ  ഉജ്ജ്വല ബാല്യ പുരസ്കാരം പാലക്കാട് ജില്ലയിലെ തീർത്ഥ എസ് കരസ്ഥമാക്കി. ആരോഗ്യ മന്ത്രി  വീണ ജോർജ്  പുരസ്കാരം സമ്മാനിച്ചു .സമഗ്ര ശിക്ഷാ കേരളം ചിറ്റൂർ ബി.ആർ.സി പരിധിയിൽ വരുന്ന  ശ്രീവിദ്യാ ഹയർ സെക്കണ്ടറി വിദ്യാലയത്തിലെ എട്ടാം തരം വിദ്യാർഥിയായ  തീർത്ഥ CWSN -INTELLECTUAL DISABILITY ഉള്ള കുട്ടിയാണ്   . കലാ, കായികം, സാഹിത്യം, സാമൂഹിക പ്രവർത്തനങ്ങൾ, പരിസ്ഥിതി സംരക്ഷണം, ജീവകാരുണ്യ പ്രവർത്തനങ്ങൾ, ഉൾപ്പെടെയുള്ള  വിവിധ  മേഖലകളിൽ  കുട്ടികളുടെ മെച്ചപ്പെട്ട പ്രവർത്തനങ്ങൾ വിലയിരുത്തിയാണ് പുരസ്കാരം സമ്മാനിക്കുന്നത്. 2021ലെ  വടകരപ്പതി പഞ്ചായത്തിലെ മികച്ച കർഷകശ്രീ അവാർഡും  തീർത്ഥ നേടിയിരുന്നു. ചിറ്റൂർ ബി.ആർ സിയിലെ തനത് പരിപാടിയായ അടുക്കളത്തോട്ട നിർമാണമാണ് ഈ നേട്ടത്തിനു കാരണമായത് . തീർത്ഥയുടെ ഈ നേട്ടത്തിൽ രക്ഷിതാക്കളും അധ്യാപകരും പൊതുജനങ്ങളും അഭിനന്ദിച്ചു.