കൊല്ലം( പുനലൂർ ബി.ആർ. സി):    ജില്ലാ ആയുർവേദ ആശുപത്രിയുടെയും പുനലൂർ ബി ആർ സി യുടെയും സംയുക്ത ആഭിമുഖ്യത്തിൽ വിളക്കുടി ഓട്ടിസം സെന്ററിൽ ആയുർവേദ മെഡിക്കൽ ക്യാമ്പ് സംഘടിപ്പിച്ചു. വിളക്കുടി ജി എൽ പി എസ്  പ്രഥമാധ്യാപിക സാലി ടീച്ചറുടെ അധ്യക്ഷതയിൽ കൂടിയ യോഗത്തിൽ പുനലൂർ ബി പി സി സ്വാഗതം ആശംസിച്ചു. വിളക്കുടി ഗ്രാമ പഞ്ചായത്ത്‌ വൈസ് പ്രസിഡന്റ്‌  ഷാഹുൽ കുന്നിക്കോട് ഉദ്ഘാടനം നിർവഹിച്ചു. ബി ആർ സി ട്രെയിനർ സുദേവൻ കൃതജ്ഞത അർപ്പിച്ചു. ജില്ലാ ആയുർവേദ ആശുപത്രിയിലെ ഡോക്ടർമാരായ ഡോ. ശ്യാം, ഡോ. ഗായത്രി എന്നിവർ ക്യാമ്പ് നയിച്ചു.സബ്ജില്ലയിലെ അർഹതപ്പെട്ട മുഴുവൻ കുട്ടികളെയും പങ്കെടുപ്പിച്ച പരിപാടി  ഏറെ ഗുണകരമായിരുന്നു എന്ന് പങ്കെടുത്ത രക്ഷിതാക്കൾ പറഞ്ഞു.