തിരുവനന്തപുരം : കോവിഡ് കാലവും പ്രതിസന്ധി കാലവും അതിജീവിച്ച് ഇത്തവണത്തെ ഓണാഘോഷം അതിൻറെ ഭംഗിയോടെ പരിസമാപിച്ചു. സംസ്ഥാന സർക്കാർ ഒരുക്കിയ ഓണം വാരാഘോഷത്തിന്റെ ഭാഗമായുള്ള സമാപന ഘോഷയാത്രയിൽ തലസ്ഥാന നഗരിയിൽ മികവാർന്ന ഓണം ഫ്ലോട്ട് കലാപരമായി  അവതരിപ്പിക്കുവാൻ പൊതുവിദ്യാഭ്യാസ വകുപ്പ് - സമഗ്ര ശിക്ഷ കേരളക്ക് കഴിഞ്ഞു . കെട്ടിലും മട്ടിലും രൂപ ഭംഗിയിലും കൃത്യതയും മിഴിവും ഏറിയ ഫ്ലോട്ട് ജനശ്രദ്ധ ഏറ്റ് വാങ്ങി. ഏറെക്കാലത്തിനു ശേഷമാണ് ഇത്തരത്തിൽ ഒരു ഫ്ലോട്ട് അവതരിപ്പിക്കുന്നത്. പൊതുവിദ്യാഭ്യാസ രംഗത്ത്  സർവോത്മുകമായ  വിദ്യാഭ്യാസ പിന്തുണയും കരുതലും സമഗ്ര പുരോഗതിയും ലക്ഷ്യമിടുന്ന ആശയത്തിൽ ഊന്നിയാണ് ഫ്ലോട്ട് അവതരിപ്പിച്ചത്..