മലപ്പുറം (മങ്കട): സമഗ്ര ശിക്ഷാ കേരള നടപ്പിലാക്കി വരുന്ന സ്വാതന്ത്ര വായന പരിപോഷണ പരിപാടിയായ വായനച്ചങ്ങാത്തം രണ്ടാം ഘട്ട  അധ്യാപക ശാക്തീകരണ പരിപാടിക്ക് മങ്കട ബി ആർ സിയിൽ തുടക്കമായി. സെപ്റ്റംബർ 19, 20 തിയ്യതികളിലായി നടക്കുന്ന പരിശീലന  പരിപാടിയുടെ  ഉദ്ഘാടനം വിദ്യാരംഗം സംസ്ഥാന അധ്യാപക അവാർഡ് ജേതാവ് അനിൽ മങ്കട നിർവ്വഹിച്ചു. മങ്കട എ ഇ ഒ മിനി ജയൻ അധ്യക്ഷത വഹിച്ച പരിപാടിയിൽ  ബിപിസി  ബിജു എ പി സ്വാഗതം പറഞ്ഞു. ബി ആർ സി ട്രൈനർമാരായ കാളിദാസൻ എ, ഷാജി. കെ പി , ഫാത്തിമ സുഹറ.കെ  എന്നിവർ  സംസാരിച്ചു. റിസോഴ്സ് അധ്യാപകരായ ലിജി, മഞ്ജുള, ഹസ്ന, നിഷ എന്നിവർ പരിശീലനത്തിന് നേതൃത്വം നൽകി.