വയനാട്: സമഗ്രശിക്ഷാ കേരളയുടെ നേതൃത്വത്തില്‍ സംസ്ഥാനത്ത് ഉടനീളം സംഘടിപ്പിച്ച് വരുന്ന "ഒന്നാണ് നമ്മള്‍" ട്വിന്നിംഗ് പ്രോഗ്രാം വയനാട് ജില്ലയില്‍ ആരംഭിച്ചു. പാര്‍ശ്വവല്‍ക്കരിക്കപ്പെട്ട വിദ്യാര്‍ത്ഥി സമൂഹം എന്ന പ്രയോഗം പോലും കേരള സംസ്ഥാനത്ത് ഉണ്ടാകരുത് എന്ന ആശയത്തിലൂന്നിയാണ്  ഒന്നാണ് നമ്മള്‍ പ്രോഗാം നടപ്പിലാക്കുന്നത്. നവമാധ്യമ, ഓണ്‍ലൈന്‍ കൂട്ടായ്മയിലൂടെയാണ്  ഒന്നാണ് നമ്മള്‍ അരങ്ങേറുന്നത്.  ഓണ്‍ലൈന്‍ മാധ്യമത്തിലൂടെ സംഘടിപ്പിക്കപ്പെട്ട  പരിപാടിയില്‍ എം.എല്‍.എ.മാരായ ടി. സിദ്ദിഖ്, ഒ.ആര്‍. കേളു, ഐ.സി. ബാലകൃഷ്ണന്‍ തുടങ്ങിയവര്‍ പങ്കെടുത്തു. സ്റ്റേറ്റ് പ്രോജകട് ഡയറക്ടര്‍ ഡോ.എ.പി. കുട്ടികൃഷ്ണന്‍ ആമുഖ പ്രഭാഷണം നടത്തി.  സമഗ്രശിക്ഷാ കേരളം വയനാട് ജില്ലാ പ്രോജക്ടിന്‍റെ നേതൃത്വത്തില്‍ ആരംഭിച്ച "ഒന്നാണ് നമ്മള്‍" ഗോത്ര മേഖലകളിലെ കുട്ടികളുടെ സമഗ്രമായ പഠന പുരോഗതി ലക്ഷ്യമിടുന്ന പരിപാടിയാണ്.