പേരാമ്പ്ര : സമഗ്രശിക്ഷ കോഴിക്കോട്, ബി.ആർ.സി പേരാമ്പ്രയുടെ നേതൃത്വത്തിൽ തിരഞ്ഞെടുത്ത വിദ്യാർത്ഥികളുടെ വീടുകളിൽ ചങ്ങാതി ക്കൂട്ടം  ഓണാഘോഷ പരിപാടി സംഘടിപ്പിച്ചു. ബിആർസി യുടെ നേതൃത്വത്തിൽ ഗൃഹാധി ഷ്ഠി ത വിദ്യാഭ്യാസം നൽകി വരുന്ന കുട്ടികളുടെ വീടുകളിൽ ആണ് പരിപാടി സംഘടിപ്പിച്ചത്. പേരാമ്പ്ര ബി. ആർ. സിയുടെയും, പേരാമ്പ്ര വെസ്റ്റ് എ.യു.പി യുടെയുംനേതൃത്വത്തിലാണ് സമപ്രായക്കാരുടെ സംഘമായ ചങ്ങാതിക്കൂട്ടം വീടുകളിലെത്തിയത്. പൂർണമായും കിടപ്പിലായ കുട്ടികളിൽ നിന്നും തിരഞ്ഞെടുത്ത കുട്ടികളുടെ വീടുകളിൽ ആണ് ഇതിനായി തെരെഞ്ഞെടുത്തത്.സാമൂഹ്യ ഉൾച്ചേർക്കലിന്റെ ഭാഗമായി വീടുകളിൽ അത്തപ്പൂക്കളമൊരുക്കിയും, കുട്ടികളുടെയും, അധ്യാപകരുടെയും വിവിധ കലാപരിപാടികൾ അവതരിപ്പിച്ചും, മധുരം വിതരണം ചെയ്തും കൂട്ടുകാർക്ക് ഓണപ്പുടവയും വിവിധ സമ്മാനങ്ങളും നൽകിയും കുട്ടികൾ ഓണത്തെ വരവേൽക്കുകയായിരുന്നു.

കൂത്താളി പഞ്ചായത്തിൽ തണ്ടോറപാറ ഷഫ്ന ഫാത്തിമയുടെ വീട്ടിലും, നൊച്ചാട് പഞ്ചായത്തിൽ രാമല്ലൂർ ചെറായിൽ നവീനിന്റെ വീട്ടിലുമാണ് പരിപാടി സംഘടിപ്പിച്ചത്. കൂത്താളി പഞ്ചായത്തിൽ ചങ്ങാതിക്കൂട്ടം ഗ്രാമപഞ്ചായത്ത് പ്രസിഡണ്ട് കെ. ബിന്ദു ഉദ്ഘാടനം ചെയ്തു. വാർഡ് മെമ്പർ പൂളക്കണ്ടി കുഞ്ഞമ്മദ് അദ്ധ്യക്ഷത വഹിച്ച ചടണ്ടിൽ  ബി. ആർ. സി, ബി. പി. സി വി.പി നിത, പി. പി ശാന്ത, ഷാജിമ.കെ, കവിത. എ. വി എന്നിവർ സംസാരിച്ചു. നൊച്ചാട് പഞ്ചായത്ത് ചങ്ങാതിക്കൂട്ടം ഗ്രാമ പഞ്ചായത്ത് പ്രസിഡണ്ട് ശാരദ പട്ടേരിക്കണ്ടി ഉദ്ഘാടനം ചെയ്തു.നൊച്ചാട് ഹയർ സെക്കന്ററി പ്രിൻസിപ്പൽ സമീർ മാസ്റ്റർ, ബി പി സി വി പി നിത, കെ ഷാജിമ, തീർത്ഥ ശ്രീനി, അഥിന വിനോദ്  എന്നിവർ സംസാരിച്ചു