കൊല്ലം (ചവറ ബി.ആർ.സി): അയ്യൻകോയിക്കൽ ഗവ.ഹയർസെക്കന്ററി സ്കൂളിൽ വെതർ സ്റ്റേഷൻ ഉദ്ഘാടനം ചെയ്തു.വെതർ സ്റ്റേഷൻറെ ഉദ്ഘാടനം ഡോ.സുജിത് വിജയൻപിള്ള MLA നിർവഹിച്ചു. കാലാവസ്ഥ വ്യതിയാനങ്ങൾ നിരീക്ഷിച്ച് സ്കൂൾ ബോർഡിൽ രേഖപ്പെടുത്താനും സ്കൂൾ എസ്പിസി യുടെ വോയ്സ് ഓഫ് അയ്യൻകോയിക്കൽ വാട്സാപ്പ് റേഡിയോ സംവിധാനത്തിലൂടെ സമൂഹത്തെ അറിയിക്കാനും എംഎൽഎ നിർദ്ദശിച്ചു.  പ്രാദേശിക തലത്തിൽ മഴയും കാറ്റും താപനിലയും കാലാവസ്ഥാ വ്യതിയാനങ്ങളും സൂക്ഷ്മമായി നിരീക്ഷിക്കുന്നതിനും പഠനവിധേയമാക്കുന്നതിനും സ്കൂൾ വിദ്യാർത്ഥികളെ പ്രാപ്തരാക്കുന്നതിനാണ് കേരള വെതർ സ്റ്റേഷൻ എന്ന പദ്ധതി തെരെഞ്ഞെടുക്കപ്പെട്ട സ്കൂളുകളിൽ സർക്കാർ ആവിഷ്കരിക്കുന്നത്. സംസ്ഥാന സർക്കാരിന്റെ നൂറുദിന കർമ്മ പരിപാടിയുടെ ഭാഗമായി എസ്എസ്കെ യാണ്  പദ്ധതി നടപ്പിലാക്കുന്നത്.  പി ടി എ  പ്രസിഡന്റ് ഷിഹാബ് കാട്ടുകുളം അദ്ധ്യക്ഷത വഹിച്ചു. ചവറ ബിപിസി  സ്വപ്ന എസ് കുഴിത്തടത്തിൽ വിഷയാവതരണം നടത്തി . ജോഗ്രഫി അധ്യാപകൻ . ബാലഗോപാൽ വെതർ സറ്റേഷൻ പ്രവർത്തനം വിശദീകരിച്ചു.  ജില്ലാ പഞ്ചായത്ത് അംഗം.എസ്.സോമൻ , പ്രിൻസിപ്പൽ  പ്യാരിനന്ദിനി ,ഹെഡ്മിസ്ട്രസ്  ആശാജോസ് തുടങ്ങിയവർ പങ്കെടുത്തു.