കണ്ണൂർ -  സമഗ്ര ശിക്ഷ കേരളം തളിപ്പറമ്പ് നോർത്ത് ബി.ആർ.സി, ജില്ലാ ലൈബ്രറി കൗൺസിൽ, കരിങ്കയം എ.എൽ.പി സ്കൂൾ, ചെറുപുഷ്പം യു.പി.സ്കൂൾ മേരിഗിരി, എന്നിവയുടെ സഹകരണത്തോടെ കുട്ടികളുടെ സ്വതന്ത്ര വായന പരിപോഷിപ്പിക്കാൻ   എരുവാട്ടി ജനത വായനശാല & ഗ്രന്ഥാലയത്തിൽ വായനചങ്ങാത്തം സംഘടിപ്പിച്ചു. വാർഡ് മെമ്പർ ജോസഫ് ജോൺ ഉഴുന്നുപാറ ഉത്ഘാടനം ചെയ്തു. വായനശാല പ്രസിഡൻ്റ് കെ.കെ.ശശി അധ്യക്ഷം വഹിച്ചു .ബി.ആർ.സി കോർഡിനേറ്റർ ടി. അനൂപ് മാസ്റ്റർ പദ്ധതി വിശദീകരിച്ചു. കെ.യശോദ ടീച്ചർ, പി.അലീമ ടീച്ചർ, എന്നിവർ പുസ്തകം പരിചയപ്പെടുത്തി. കേരള സംസ്ഥാന യുവജന കമ്മീഷൻ അംഗം റെനീഷ് മാത്യു പുതുപ്പറമ്പിൽ, സിസ്റ്റർ ജോസി, തടിക്കടവ് സഹകരണ ബേങ്ക് ഡയറക്ടർമാരായ മാത്തുക്കുട്ടി മേനോനിക്കൽ, രാജേഷ് മാത്യു പുതുപ്പറമ്പിൽ എന്നിവർ ആശംസകൾ നേർന്ന് സംസാരിച്ചു.