എറണാകുളം (തൃപ്പൂണിത്തുറ ) -  പ്രവേശനോത്സവ ഗാനത്തിന്റെ സംസ്ഥാനതല റിലീസ് തൃപ്പുണിത്തുറ ബി ആർ സിയിൽ വെച്ച് ബഹു വിദ്യാഭ്യാസ മന്ത്രി ശ്രീ . വി. ശിവൻകുട്ടി നിർവഹിച്ചു. പ്രശസ്ത കവിയും ഗാനരചയിതാവും മലയാളം മിഷന്‍ ഡയറക്ടറുമായ മുരുകന്‍ കാട്ടാക്കടയാണ് ഗാനരചന നിർവഹിച്ചത് . സംഗീതം നല്‍കിയിരിക്കുന്നത്  വിജയ് കരുണ്‍ ആണ്. മികച്ച പിന്നണി ഗായികയ്ക്കുള്ള പുരസ്‌കാര ജേത്രി സിതാര കൃഷ്ണകുമാറാണ് ഗാനം ആലപിച്ചിരിക്കുന്നത്. എറണാകുളം ഡി ഡി ഹണി ജി അലക്സാണ്ടർ, സമഗ്ര ശിക്ഷ സ്റ്റേറ്റ് പ്രോഗ്രാം ഓഫീസർ എൻ. ടി. ശിവരാജൻ, എറണാകുളം ജില്ലാ പ്രൊജക്റ്റ്‌ കോ-കോർഡിനേറ്റർ ജോസ്പെറ്റ്  ജേക്കബ്, തൃപ്പുണിത്തുറ നഗരസഭാ അധ്യക്ഷ  രമാ സന്തോഷ്‌,  എസ് എസ് കെ ജില്ലാ പ്രോഗ്രാം ഓഫീസർ  മഞ്ജു പി കെ, തൃപ്പുണിത്തുറ ബി പി സി ധന്യ ചന്ദ്രൻ, നഗരസഭാ കൗൺസിലർ മാരായ  ബെന്നി,  രാധിക വർമ്മ തുടങ്ങിയവർ  പങ്കെടുത്തു.