മലപ്പുറം - കുറ്റിപ്പുറം BRC യുടെ കീഴിൽ വടക്കുംപുറം AUP സ്കൂളിലേക്ക് നിയോഗിച്ച സ്പെഷ്യലിസ്റ്റ് ടീച്ചർ ടി വി സതീദേവി ടീച്ചറുടെ നേതൃത്വത്തിൽ സ്കൂളിലെ LP വിഭാഗം അധ്യാപകർക്കായി പ്രവൃത്തിപരിചയ പരിശീലന ക്ലാസ്സ്‌ നടത്തി. 1 മുതൽ 4 വരെ ക്ലാസ്സുകളിലെ പാഠ ഭാഗങ്ങളുമായി ബന്ധപ്പെട്ട് ഉണ്ടാക്കാൻ കഴിയുന്ന കളിയുപകരണങ്ങളും ഉത്പന്നങ്ങളുമാണ് ഉണ്ടാക്കിയത്. സമാപനം കുറിച്ച് കൊണ്ട് നടത്തിയ ഉത്പന്നങ്ങളുടെ പ്രദർശനം ഹെഡ്മാസ്റ്റർ വി പി അലിഅക്ബർ ഉദ്ഘാടനം ചെയ്തു. സീനിയർ അധ്യാപകരായ വി ജമീല, എം ഉമ, അധ്യാപകരായ പി റഷീല, ടി ഫസീല, പി അസ്മാബി, എ ഹഫ്‌സത്ത്, വി പി ഷഹലത്ത്, എൻ യൂനുസ്, എ ഉമൈബാൻ, കെ ജുമാന ജമാൽ എന്നിവർ വിവിധ സെഷനുകൾക്ക് നേതൃത്വം നൽകി.