കോഴിക്കോട് : പേരാമ്പ്ര ബിആർസി പരിധിയിലെ കിടപ്പിലായ കുട്ടികളോടൊപ്പം ചെറുവണ്ണൂർ സബർമതി സ്റ്റഡി ആൻഡ് റിസർച്ച് സെന്റർ ഫോർ ആർട്സ് ആൻഡ് കൾച്ചറിൽ വെച്ച് ' ഓണം പൊന്നോണം ' ഓണാഘോഷം നടത്തി.പേരാമ്പ്ര എംഎൽഎ ടി പി രാമകൃഷ്ണൻ ചടങ്ങ് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് എൻ പി ബാബു അധ്യക്ഷതവഹിച്ചു .അത്തപ്പൂക്കളമൊരുക്കിയും കുട്ടികളുടെയും, രക്ഷിതാക്കളുടെയും,അധ്യാപകരുടെയും കലാപരിപാടികൾ , ഓണക്കളികൾ തുടങ്ങിയവ സംഘടിപ്പിച്ചു.  വിവിധ പഞ്ചായത്തുകളിൽ നിന്ന് ആഘോഷത്തിൽ പങ്കെടുത്ത മുഴുവൻ കുട്ടികൾക്കും ഓണപ്പുടവയും ഒപ്പം  സമ്മാനങ്ങൾ  നൽകിയും മധുരം വിതരണം ചെയ്തും,ഓണസദ്യ ഒരുക്കിയും ഓണത്തെ വരവേറ്റു.

 കൈരളി ടിവി പട്ടുറുമാൽ ഫെയിം അജയ് ഗോപാൽ മുഖ്യാതിഥിയായി. പേരാമ്പ്ര ഉപജില്ല ഓഫീസർ ബിനോയ് കുമാർ മുഖ്യപ്രഭാഷണം നടത്തി. വാർഡ് മെമ്പർ ആദില നിബ്രാസ് പിഇ സി കൺവീനർ ബിജുന തുടങ്ങിയവർ ആശംസ അർപ്പിച്ച് സംസാരിച്ചു. ബ്ലോക്ക് പ്രോജക്ട് കോ -ഓർഡിനേറ്റർ വി പി നിത സ്വാഗതവും ട്രെയിനർ കെ ഷാജിമ നന്ദിയും പറഞ്ഞു.