കണ്ണൂർ : ഗവ. മാപ്പിള  എൽ പി സ്കൂൾ മാങ്കടവ്, പാപ്പിനിശ്ശേരിയിൽ   നവീകരിച്ച ലൈബ്രറി- കുട്ടിപുസ്തകപ്പുര പ്രവർത്തനം ആരംഭിച്ചു. വായനാ ദിനത്തിൽ പ്രശസ്ത സാഹിത്യകാരൻ പയ്യന്നൂർ കുഞ്ഞിരാമൻ ഉദ്ഘാടനം ചെയ്ത ലൈബ്രറി കുട്ടികൾ മാത്രമല്ല രക്ഷിതാക്കളും ഉപയോഗിക്കുവാൻ തുടങ്ങി. വായനച്ചങ്ങാത്തം പരിപാടിയുടെ ഭാഗമായി  കുട്ടികളെ സ്വതന്ത്ര രചനയിലേക്ക് നയിക്കുവാനും കുട്ടികളുടെയും രക്ഷിതാക്കളുടെയും സാഹിത്യ സൃഷ്ടികൾ പങ്കുവെക്കാനും അവസരം ഒരുക്കുകയാണ് കുട്ടിപുസ്തകപ്പുരയിലൂടെ. എല്ലാ കുട്ടികളുടെ വീട്ടിലും ഹോം ലൈബ്രറി കൂടി  ഒരുക്കാനുള്ള പ്രവർത്തനങ്ങൾ നടന്നു വരികയാണ്.