കൊല്ലം (ബി ആർ സി ശാസ്താംകോട്ട ) : ശാസ്താംകോട്ട  ബി ആർ സിയുടെ നേതൃത്വത്തിൽ വൈ ഐ പി (YIP) ശാസ്ത്രപഥം പ്രോജക്ടിന്റെ ഭാഗമായി ശാസ്താംകോട്ട ഉപജില്ലയിലെ ഐഡിയേറ്റർമാരായ കുട്ടികളുടെ ക്യാമ്പ് പൂർത്തിയായി.  ജ്ഞാന സമ്പദ് വ്യവസ്ഥയിലേക്ക് സമൂഹത്തെ പരിവർത്തിപ്പിക്കുക എന്ന ലക്ഷ്യം മുൻ നിർത്തി  മികച്ച ആശയങ്ങൾ രൂപപ്പെടുത്തി സമർപ്പിച്ച ഒൻപത് മുതൽ പന്ത്രണ്ട് വരെയുള്ള ക്ലാസ്സുകളിലെ കുട്ടികളുടെ സംഗമത്തിൽ നിരവധി പുത്തൻ ആശയങ്ങൾ ഉയർന്ന് വന്നു. ക്യാമ്പിന്റെ സമാപന സമ്മേളനം ജില്ലാ പഞ്ചായത്ത് സ്ഥിരം സമിതി അധ്യക്ഷൻ ഡോ. പി കെ ഗോപൻ ഉദ്ഘാടനം ചെയ്തു.  ട്രെയ്നർ ഭവ്യബാല ബി അധ്യക്ഷയായി. ബി പി സി കിഷോർ കെ കൊച്ചയ്യം സ്വാഗതം പറഞ്ഞു. ബ്ലോക്ക് പഞ്ചായത്തംഗം തുണ്ടിൽ നൗഷാദ് ,ശാസ്ത്ര രംഗം ഉപജില്ലാ കോർഡിനേറ്റർ രഘുനാഥൻ പിള്ള , പരിശീലക റെജി കൃഷ്ണ എന്നിവർ സംസാരിച്ചു.