തൃശൂർ (ഇരിങ്ങാലക്കുട):  സമഗ്ര ശിക്ഷാ കേരള തൃശൂർ ജില്ലയിലെ  ഇരിങ്ങാലക്കുട വിദ്യാഭ്യാസ ജില്ലാ അടിസ്ഥാനത്തിലുള്ള സ്പെഷ്യൽ എഡ്യൂക്കേറ്റർമാരുടെ യോഗം ഇരിങ്ങാലക്കുട ബി ആർ സിയിൽ ചേർന്നു.ഇരിങ്ങാലക്കുട, മാള, വെള്ളാങ്ങല്ലൂർ, മതിലകം, കൊടുങ്ങല്ലൂർ ബി ആർ സികളിലെ സ്പെഷ്യൽ എഡ്യൂക്കേറ്റർമാരാണ്  ആസൂത്രണ, അവലോകന യോഗത്തിന്റെ ഭാഗമായി കൂടിചേർന്നത്. ഓരോ ബി ആർ സികളിലും നടന്ന പൊതുപ്രവർത്തനങ്ങളും അതുപോലെ തനതു പ്രവർത്തനങ്ങളും പവർ പോയിന്റിലൂടെയുള്ള അവതരണം നടന്നു. ജില്ലാ പ്രൊജക്റ്റ്‌ കോഡിനേറ്റർ ഡോ.എൻ ജെ ബിനോയ്‌,ജില്ലാ പ്രോഗ്രാം ഓഫീസർ ബ്രിജി കെ ബി  എന്നിവർ യോഗത്തിന് നേതൃത്വം നൽകി. സ്പെഷ്യൽ എഡ്യൂക്കേറ്റർമാരുടെ സർവീസ് സംബന്ധമായ കാര്യങ്ങൾക്ക് മറുപടി നൽകുകയും ചെയ്തു. ഓരോ ബി ആർ സിയിലും നടക്കുന്ന വ്യത്യസ്ത പ്രവർത്തനങ്ങൾ  പരസ്പരം കൈമാറാനും അവതരണം തടത്തുവാനും കഴിഞ്ഞു.