തിരുവല്ല : പെരിങ്ങര ഗവ.ഹയർ സെക്കണ്ടറി സ്കൂളിൽ ലഹരി വിരുദ്ധ കാമ്പയിൻ്റെ  സ്കൂൾതല ഉദ്ഘാടനം പെരിങ്ങര ഗ്രാമപഞ്ചായത്ത് പ്രസിഡൻ്റ് മാത്തൻ ജോസഫ് ഉദ്ഘാടനം ചെയ്തു. പുളിക്കീഴ് ബ്ലോക്ക് പഞ്ചായത്തംഗം അനു.സി.കെ, ഗ്രാമ പഞ്ചായത്തംഗം സനിൽകുമാരി, കെ.അജയകുമാർ എന്നിവർ ആശംസ അറിയിച്ചു. പി.ടി.എ പ്രസിഡൻ്റ് സിബി ആചാര്യ അധ്യക്ഷത വഹിച്ച യോഗത്തിൽ  സുരേഷ് സ്വാഗതവും രമ്യ.ജി.നായർ നന്ദിയും പറഞ്ഞു. സംസ്ഥാന തല ഉദ്ഘാടനം നിർവ്വഹിച്ചു കൊണ്ട്  മുഖ്യമന്ത്രി പിണറായി വിജയൻ നൽകിയ സന്ദേശം, വിദ്യാഭ്യാസ മന്ത്രി വി.ശിവൻകുട്ടി നൽകിയ സന്ദേശം എന്നിവ തത്സമയം പ്രദർശിപ്പിച്ചു. രക്ഷാകർത്താക്കൾക്കും കുട്ടികൾക്കുമുള്ള ലഹരി വിരുദ്ധ ബോധവത്ക്കരണ ക്ലാസിന് അദ്ധ്യാപിക രമ്യ.ജി.നായർ നേതൃത്വം നൽകി.