തിരുവനന്തപുരം(സൗത്ത് യു.ആർ.സി) : സമഗ്ര ശിക്ഷാ കേരളം സൗത്ത് യു.ആർ.സി.യുടെ പരിധിയിൽപ്പെടുന്ന ഭിന്നശേഷിക്കുട്ടികൾക്കുള്ള ഫുട്ബോൾ പരിശീലനം ആരംഭിച്ചു. ജില്ലാ സ്പോർട്സ് കൗൺസിലിന്റെയും തമ്പാനൂർ ട്രാവൻഗോൾഡ് ടർഫിന്റെയും സഹകരണത്തോടെ നടത്തുന്ന പരിശീലനം ജില്ലാ സ്പോർട്സ് കൗൺസിൽ പ്രസിഡന്റ്‌ എസ്. എസ്. സുധീർ ഉദ്ഘാടനം ചെയ്തു.സൗത്ത് യു.ആർ.സി. പരിധിയിൽപ്പെടുന്ന കായികവാസനയുള്ള കുട്ടികളെ തിരഞ്ഞെടുത്താണ് പരിശീലനം നൽകുന്നത്. ദേശീയ ഫുട്ബോൾ മത്സരങ്ങളിലെ നിറസാന്നിധ്യമായിരുന്ന റഫീക്ക് ആണ് പരിശീലകൻ. ജില്ലാ പ്രോഗ്രാം ഓഫീസർ ശ്രീകുമാരൻ ബി., സൗത്ത് യു.ആർ.സി ബി.പി.സി. ബിജു എസ്.എസ്., ട്രെയിനർ ദീപ വി.ഡി.,തുടങ്ങിയവർ ഉദ്ഘാടനത്തിൽ പങ്കെടുത്തു.