'രാഷ്ട്രീയ ഏകതാ ദിവസ് ' ആചരണം.. കഥാ രചന മത്സരം
തിരുവനന്തപുരം : കേന്ദ്ര വിദ്യാഭ്യാസ മന്ത്രാലയത്തിന്റെ നേതൃത്വത്തിൽ നടക്കുന്ന 'രാഷ്ട്രീയ ഏകതാ ദിവസ് ' ആചരണത്തിന്റെ ഭാഗമായി സമഗ്ര ശിക്ഷ കേരളം സംസ്ഥാന - ജില്ലാതലത്തിൽ കുട്ടികളുടെ കഥാ രചന മത്സരം സംഘടിപ്പിക്കുന്നു. ആറുമുതൽ പന്ത്രണ്ടാം ക്ളാസ് വരെയുള്ള കുട്ടികൾക്കാണ് കഥാ രചന മത്സരത്തിൽ പങ്കെടുക്കാൻ കഴിയുന്നത്. 'ഏക് ഭാരത് ശ്രേഷ്ഠ ഭാരത് ' പരിപാടിയുടെ ഭാഗമായി കേരളത്തിന്റെ ജോഡി സംസ്ഥാനമായ ഹിമാചൽ പ്രദേശിന്റെ ' ഇന്ത്യൻ സ്വാതന്ത്ര്യ സമര സംഭാവനയെ ' അടിസ്ഥാനപ്പെടുത്തിയുള്ള വിഷയത്തിന്മേലാണ് മത്സരം. ഹിന്ദി അല്ലെങ്കിൽ ഇംഗ്ലീഷ് ഭാഷയിലാണ് കഥകൾ തയാറാക്കി അയക്കേണ്ടത്. സമഗ്ര ശിക്ഷാ കേരളയുടെ ജില്ലാ ഓഫീസുകളിലേക്കാണ് എൻട്രികൾ ലഭ്യമാക്കേണ്ടത്.
' THE CONTRIBUTION OF HIMACHAL PRADESH IN INDIA'S STRUGGLE FOR FREEDOM '
ഒന്നാം കാറ്റഗറിയിൽ ക്ളാസ് 6 മുതൽ ക്ലാസ്8 വരെയും രണ്ടാം കാറ്റഗറിയിൽ ക്ലാസ് 9 മുതൽ ക്ലാസ് 12 വരെയുമായാണ് തരംതിരച്ചിരിക്കുന്നത്. സംസ്ഥാനത്തെ എല്ലാ പൊതുവിദ്യാലയങ്ങളിലും ഇത് സംബന്ധിച്ച അറിയിപ്പുകൾ ലഭ്യമാണ്.