തിരുവനന്തപുരം: സമഗ്ര ശിക്ഷാ കേരളം യൂആർസി സൗത്തിന്റെ നേതൃത്വത്തിൽ സംഘടിപ്പിച്ച ഹിരോഷിമ നാഗസാക്കി ദിനാചാരണത്തിന്റെ ഉദ്ഘാടനം പ്രസിദ്ധ ചലച്ചിത്ര താരം ജോബി നിർവഹിച്ചു. സ്പെഷ്യലിസ്‌റ്റ് അധ്യാപകരുടെ നേതൃത്വത്തിൽ കോട്ടൺഹിൽ ഗവ: ഗേൾസ് ഹയർ സെക്കന്ററി സ്‌കൂളിന് മുൻവശം പ്രതിഭ സി കെ യുടെ അധ്യക്ഷതയിൽ കൂടിയ പരിപാടിക്ക് കവിത എസ് എസ് സ്വാഗതം ആശംസിച്ചു. എസ്എസ്കെ തിരു. ഡിപിസി ജവാദ് എസ് യുദ്ധവിരുദ്ധ സന്ദേശം നൽകുകയും, ഡിപിഒ ശ്രീകുമാരൻ ബി ചുവർ സന്ദേശ രചനയ്ക്ക് തുടക്കം കുറിക്കുകയും ചെയ്തു. തുടർന്ന് കോട്ടൺഹിൽ ഗേൾസ് സ്കൂളിലെ കുട്ടികൾ യുദ്ധവിരുദ്ധ പ്രതിജ്ഞ ചൊല്ലുകയും ഫ്ലാഷ് മോബ് അവതരിപ്പിക്കുകയും ചെയ്തു. യുആർസി സൗത്ത് ബിപിസി ആർ വിദ്യാവിനോദ് സഡാക്കോ കോറ്റി പ്രദർശനത്തിന് തുടക്കം കുറിച്ചു. സ്കൂൾ പ്രിൻസിപ്പൽ, ഹെഡ്മിസ്ട്രസ്  ,അധ്യാപകർ തുടങ്ങിയവർ സന്നിഹിതരായ പരിപാടിക്ക് സ്‌പെഷ്യലിസ്റ്റ് അധ്യാപകൻ അജിത് കുമാർ കെ എം നന്ദി പറഞ്ഞു.