കോഴിക്കോട് (പേരാമ്പ്ര) : പേരാമ്പ്ര ഉപജില്ല പരിധിയിലെയും ബിആർസി പരിധിയിലെയും  വിദ്യാലയങ്ങളിലെ അക്കാദമിക മികവ്  വർദ്ധിപ്പിക്കുന്നതിന്റെ ഭാഗമായി അക്കാദമിക കൺവീനർമാർക്കുള്ള ശാക്തീകരണ  ശില്പശാല പേരാമ്പ്ര ജി യു പി സ്കൂൾ ഹാളിൽ സംഘടിപ്പിച്ചു. ജില്ല പ്രൊജക്റ്റ് കോ -ഓർഡിനേറ്റർ ഡോ :എ കെ അബ്ദുൾ ഹക്കിം ഉദ്ഘാടനം ചെയ്തു.പൊതുവിദ്യാലയങ്ങളിലെ  അക്കാദമിക മികവ് വർദ്ധിപ്പിക്കുന്നതിനുള്ള  കർമ്മപദ്ധതി രൂപീകരണമാണ്  ശില്പശാലയിലൂടെ ലക്ഷ്യമിടുന്നതെന്ന് അദ്ദേഹം പറഞ്ഞു. പേരാമ്പ്ര ഉപജില്ല ഓഫീസർ കെ എൻ ബിനോയ്‌ കുമാർ അധ്യക്ഷത വഹിച്ചു.പി ഇ സി കൺവീനർ എ സി മൊയ്തി ആശംസകൾ അർപ്പിച്ചു. ബ്ലോക്ക് പ്രോജക്ട് കോ -ഓർഡിനേറ്റർ വി പി നിത സ്വാഗതവും ട്രെയിനർ കെ ഷാജിമ നന്ദിയും പറഞ്ഞു. റിസോഴ്സ് പേഴ്സൺമാരായ രാഹുൽ എം, ഹാഷിദ് കെ സി എന്നിവർ ക്ലാസുകൾ നയിച്ചു.