ഹോസ്ദുർഗ്ഗ്- പൊതുവിദ്യാഭ്യാസ വകുപ്പിനെയും സമഗ്ര ശിക്ഷ കേരളയുടെയും നേതൃത്വത്തിൽ എൽ പി വിഭാഗം അധ്യാപകർക്കുള്ള നാലുദിവസത്തെ അധ്യാപകസംഗമം ബി. ആർ. സി. തലം ജിഎച്ച്എസ്എസ് ബളാന്തോട് വെച്ച് നടന്നു. പനത്തടി ഗ്രാമപഞ്ചായത്ത് പ്രസിഡണ്ട്   പ്രസന്ന പ്രസാദ് പരിപാടി ഉദ്ഘാടനം ചെയ്തു. പനത്തടി ഗ്രാമപഞ്ചായത്ത് വൈസ് പ്രസിഡണ്ട് പി എം കുര്യാക്കോസിന്റെ  അധ്യക്ഷതയിൽ ചേർന്ന യോഗത്തിൽ   ഹോസ്ദുർഗ്ബി. പി. സി.  സുനിൽ കുമാർ സ്വാഗതം പറഞ്ഞു . മുഖ്യാതിഥിയായി  പൊതു വിദ്യാഭ്യാസ സംരക്ഷണ യജ്ഞം കോർഡിനേറ്റർ ദിലീപ് കുമാർ , വാർഡ് മെമ്പർ വേണുഗോപാൽ, ജിഎച്ച്എസ്എസ്  ബളാംതോട് പ്രിൻസിപ്പൽ  ഗോവിന്ദൻ എം,  ജിഎച്ച്എസ് ബളാംതോട് പ്രഥമാധ്യാപകൻ സുരേഷ് കുമാർ എന്നിവർ ആശംസകൾ അർപ്പിച്ചു സംസാരിച്ചു. ഹൊസ്ദുർഗ് സി ആർ സി സുപർണ്ണ നന്ദി പറഞ്ഞു . നാലുദിവസം നീണ്ടുനിൽക്കുന്ന പരിശീലനപരിപാടിയിൽ അൻപതോളം  അധ്യാപകർ പങ്കെടുത്തു.