പാലക്കാട്-  മണ്ണാർക്കാട് ബി.ആർ.സിയുടെ ആഭിമുഖ്യത്തിൽ സംഘടിപ്പിച്ച  സുരീലി ഹിന്ദി അധ്യാപക ശില്പശാലയുടെ  ഒന്നാംഘട്ടത്തിന്റെ  ഉദ്ഘാടനം ജില്ലാ  പഞ്ചായത്ത് മെമ്പർ ഗഫൂർ കോൽകളത്തിൽ നിർവഹിച്ചു. മണ്ണാർക്കാട് ബി.പി.സി  മുഹമ്മദാലി അധ്യക്ഷതവഹിച്ചു. സുരീലി ഹിന്ദി പദ്ധതിയിൽ സമയോചിതമായി വരുത്തിയിട്ടുള്ള മാറ്റങ്ങളെ ക്ലാസ്സ് മുറികളിലേക്ക് എത്തിക്കുന്നതിന് വേണ്ടിയുള്ള വൈവിധ്യമാർന്ന പ്രവർത്തന പദ്ധതികളാണ് ശിൽപ്പശാലയിൽ ഉൾപ്പെടുത്തിയിരിക്കുന്നത്. ചടങ്ങിൽ  ട്രെയിനർമാരായ എം. കൃഷ്ണദാസ് , എം.അബ്ബാസ്, പി എസ് ഷാജി, ഡി ആർ ജി അംഗം ഷാജി ജോസഫ് എന്നിവർ സംസാരിച്ചു.