കൊല്ലം (ബി ആർ സി കരുനാഗപ്പള്ളി ):-സമഗ്ര ശിക്ഷ കേരള കരുനാഗപ്പള്ളി ബി ആർ സി യുടെ നേതൃത്വത്തിൽ   പഞ്ചായത്ത്തല ഭാഷോത്സവം  ഓച്ചിറ കൊറ്റമ്പള്ളി ഗവ:  എൽ പി എസ്‌  സ്കൂളിൽ വെച്ച്  സംഘടിപ്പിച്ചു. പഞ്ചായത്തിലെ എല്ലാ എൽ പി സ്കൂളുകളിലും നിന്നായി  മികച്ച രചനകൾ നടത്തിയ മൂന്ന് കുട്ടികളും മൂന്ന് രക്ഷിതാക്കളും ഭാഷോത്സവത്തിൽ പങ്കെടുത്തു. സ്കൂൾ തലത്തിൽ തിരഞ്ഞെടുക്കപ്പെട്ട ഏറ്റവും മികച്ച രചന, രക്ഷിതാവ്, കുട്ടി എന്നിവർ വേദിയിൽ അവതരിപ്പിക്കുകയും  വിലയിരുത്തൽ നടത്തുകയും ചെയ്തു. അതിൽ നിന്നും തിരഞ്ഞെടുത്ത  അഞ്ച് കുട്ടികളെയും അഞ്ച് രക്ഷിതാക്കളെയും ബി ആർ സിതല ഭാഷോത്സവത്തിലേക്ക്  തെരെഞ്ഞെടുക്കപ്പെടുകയും ചെയ്തു. സ്കൂൾ എസ് എം സി ചെയർമാൻ ദിലീപ് ശങ്കർ അധ്യക്ഷത വഹിച്ച ചടങ്ങിൽ  എച്ച്. എം  ജയകുമാരി ടീച്ചർ സ്വാഗതം ആശംസിച്ചു. ഓച്ചിറ ഗ്രാമ പഞ്ചായത്ത് പ്രസിഡന്റ്‌ ശ്രീദേവി ഉത്ഘാടനം ചെയ്തു. വൈസ് പ്രസിഡന്റ്‌  കൃഷ്ണകുമാർ മുഖ്യപ്രഭാഷണം നടത്തി. കരുനാഗപ്പള്ളി ബി പി സി സ്വപ്ന എസ് കുഴിത്തടത്തിൽ  പദ്ധതി വിശദീകരണം നടത്തി. ഓച്ചിറ പഞ്ചായത്തിലെ വിവിധ വാർഡ് മെമ്പർമാർ ,ട്രെയിനർ സിനീഷ് കുമാർ ജെ ,  സ്റ്റാഫ് സെക്രട്ടറി ജാസ്മിൻ  ചാക്കോ എന്നിവർ ആശംസകൾ നേർന്നു. സി ആർ സി കോഡിനേറ്റർ രഞ്ജിത്ത്  നന്ദി രേഖപ്പെടുത്തി.