കാസർഗോഡ്-   സമഗ്ര ശിക്ഷ കാസർഗോഡിന്റെ ആഭിമുഖ്യത്തിലുള്ള ജില്ലയിലെ ആദ്യ ജിയോ ലേണിംഗ് ലാബ് ജി.എച്ച്എസ്എസ് ഹോസ്ദുർഗ്ഗിൽ  വിദ്യാഭ്യാസ ഡെപ്യൂട്ടി ഡയറക്ടർ  പുഷ്പ.കെ.വി ഉദ്ഘാടനം ചെയ്തു. കുട്ടികൾക്ക് ഏറെ ദുർഗ്രാഹ്യമായ ഭൂമിശാസ്ത്ര പഠനം ലളിതവും രസകരവുമാക്കുക എന്ന ലക്ഷ്യത്തോടെയാണ് ലാബ് ഒരുക്കിയത്. സാമൂഹ്യ ശാസ്ത്ര പഠനം കേവലം സാമൂഹ്യ പാഠ പഠനമായി മാറുന്നു എന്ന തിരിച്ചറിവിലാണ് ഇത്തരത്തിലൊരു ലാബ് തയാറാക്കിയത് . ചടങ്ങിൽ ഡയറ്റ് പ്രിൻസിപ്പാൾ ഡോ:എം.ബാലൻ മുഖ്യാതിഥിയായിരുന്നു. സമഗ്ര ശിക്ഷ ജില്ലാ പ്രൊജക്റ്റ് കോഡിനേറ്റർ  രവീന്ദ്രൻ  പി അദ്ധ്യക്ഷത വഹിച്ചു. .