സ്റ്റാർസ് പദ്ധതി ശാക്തീകരണശില്പശാല സംഘടിപ്പിച്ചു.
ന്യൂഡൽഹി : സ്റ്റാർസ് പദ്ധതി നിർവഹണ പുരോഗതി വിലയിരുത്തുന്നതിനായി സ്റ്റാർസ് പദ്ധതിയിൽ നടപ്പിലാക്കിയ സംസ്ഥാനങ്ങളിലെ പ്രിൻസിപ്പൽ സെക്രട്ടറിമാർ, ഡയറക്ടർമാർ , സ്റ്റാർസ് പ്രോഗ്രാം മാനേജ്മന്റ് യൂണിറ്റ് പ്രതിനിധികൾ എന്നിവർ പങ്കെടുത്ത് ഏകദിന അവലോകന യോഗം കേന്ദ്ര വിദ്യാഭ്യാസവകുപ്പ് ദില്ലിയിൽ സംഘടിപ്പിച്ചു. കേന്ദ്ര വിദ്യാഭ്യാസവകുപ്പ് സെക്രട്ടറി സഞ്ജയ് കുമാർ അധ്യക്ഷനായ യോഗത്തിൽ ജോയിന്റെ സെക്രട്ടറി വിപിൻകുമാർ, ഡെപ്യൂട്ടി സെക്രട്ടറി രാഹുൽ പചൗരി, ലോക ബാങ്ക് പ്രതിനിധി ശബ്നം സിൻഹ എന്നിവർ സംസാരിച്ചു. സ്റ്റാർസ് പദ്ധതിയിലൂടെ പൊതുവിദ്യാലയങ്ങളുടെ ഗുണമേന്മ വർദ്ധിക്കുന്നു എന്ന് ഉറപ്പ് വരുത്തണമെന്ന് കേന്ദ്ര വിദ്യാഭ്യാസ വകുപ്പ് സെക്രട്ടറി സംസ്ഥാനങ്ങൾക്ക് നിർദേശം നൽകി. വിവിധ സംസ്ഥാനങ്ങളിലെ പ്രവർത്തന പുരോഗതികൾ അവതരിപ്പിക്കപ്പെട്ടു. കേരളത്തിനുവേണ്ടി സമഗ്ര ശിക്ഷാ കേരളം സ്റ്റേറ്റ് പ്രൊജക്റ്റ് ഡയറക്ടർ ഡോ. സുപ്രിയ. എ. ആർ. പ്രവർത്തന പുരോഗതി റിപ്പോർട്ട് അവതരിപ്പിച്ചു. പുതുതായി നിലവിൽ വന്ന സ്റ്റാർസ് കേന്ദ്ര പ്രൊജക്റ്റ് മാനേജ്മെന്റ് യൂണിറ്റിനെ പരിചയപ്പെടുത്തുകയും 2023-24 ലെ പദ്ധതി അപ്രൈസൽ സംബന്ധിച്ച നിർദ്ദേശങ്ങൾ കൈമാറുകയുമുണ്ടായി.