ഊരു വിദ്യാകേന്ദ്രങ്ങളുടെ ശാക്തീകരണം ലക്ഷ്യമിടുന്ന പദ്ധതി പ്രവര്‍ത്തനങ്ങള്‍ക്കാണ് സമഗ്രശിക്ഷാ കേരളം പ്രാധാന്യം നല്‍കുന്നത് -ഡോ.എ.പി.കുട്ടിക്കൃഷ്ണന്‍
എറണാകുളം: എറണാകുളം ജില്ലയിലെ കൂവപ്പടി ബി.ആര്‍.സി.യുടെ നേതൃത്വത്തില്‍ പൊങ്ങന്‍ചുവട് ഊരുവിദ്യാകേന്ദ്രത്തിലെ 93 വിദ്യാര്‍ത്ഥികള്‍ക്ക് ഓണ്‍ലൈന്‍ പഠനോപകരണങ്ങള്‍ ലഭ്യമാക്കുന്നതിന്‍റെ ഉദ്ഘാടനം സമഗ്രശിക്ഷാ കേരള ഡയറക്ടര്‍ ഡോ.എ.പി.കുട്ടിക്കൃഷ്ണന്‍ നിര്‍വഹിച്ചു. കോവിഡ് 19 പശ്ചാത്തലത്തില്‍ സംസ്ഥാനത്തെ വിവിധ ഊരുകളിലെ കുട്ടികള്‍ക്ക് സമഗ്രശിക്ഷാ കേരളയുടെ നേതൃത്വത്തില്‍ വിവിധ പാഠ്യവിഷയങ്ങളിലുള്ള ലാബ്@ഹോം പദ്ധതിയുടെ പ്രവര്‍ത്തനോദ്ഘാടനവും ഇതോടൊപ്പം നടന്നു. ഊരുവിദ്യാകേന്ദ്രങ്ങളുടെ ശാക്തീകരണത്തിലൂടെ ഗോത്ര മേഖലയില്‍ ഉള്‍പ്പെടുന്നവിദ്യാര്‍ത്ഥികള്‍ക്ക് ഒരുതരത്തിലുള്ള ബുദ്ധിമുട്ടും പഠനകാര്യങ്ങളില്‍ നേരിടേണ്ടി വരികയില്ലെന്ന് പദ്ധതിയുടെ ഉദ്ഘാടനം നിര്‍വഹിച്ച് ഡയറക്ടര്‍ പറഞ്ഞു.
